Na e reklamojnë cdo ditë, por pse hidratimi i tepërt i bën më shumë dëm lëkurës sesa mirë

By 1000 Farmaci

in Skincare Rutine

on gus 25, 2023

-640-0-1692642264x13c4a7e8f4dc1fcb60f5b145f715dbde-738

Epoka e mediave sociale na ka dhënë shumë tendenca të kujdesit të lëkurës, si p.sh. maskat mund të duken perfekte në Tiktok dhe Instagram, por sigurisht që nuk u përshtaten të gjitha llojeve të lëkurës, veçanërisht nëse keni lëkurë të yndyrshme, të ndjeshme ose të prirur ndaj akneve. Në fakt, mbihidratimi mund të jetë një problem i çuditshëm. Dhe më poshtë do të zbuloni pse.

A mund të dëmtojë hidratimi i tepërt aftësinë e lëkurës për tu hidratuar?

Dermatologja Dr. Manu Walia tha për "Vogue India", se “lëkura ka mekanizmin e vet për të mbajtur lagështinë – ka një funksion pengues që përbëhet nga lipide dhe qelizat që ndihmojnë në parandalimin e humbjes së ujit dhe ruajtjen e niveleve adekuate të hidratimit. Kur aplikoni shumë hidratues, shumë shpesh, mund të bëheni të varur nga hidratimi i jashtëm. Lëkura mund të bëhet e varur nga hidratuesi për të ruajtur nivelet e saj të lagështisë, duke çuar në një reduktim të aftësisë së saj natyrale për t’u hidratuar”, shpjegon ajo.

Ajo gjithashtu thekson se hidratuesit me bazë nafte mund të dëmtojnë lëkurën.

“Ndërsa okluzivët mund të jenë të dobishëm në disa raste, përdorimi i zgjatur pa e lejuar lëkurën të marrë frymë dhe të funksionojë normalisht mund të çojë në reduktimin e funksionit të barrierës. Si rezultat, lëkura mund të prodhojë më pak agjentë natyralë hidratues dhe lipide, duke çuar në uljen e hidratimit me kalimin e kohës”, tha Walia.

Pra, cila është sasia e duhur e hidratuesit?

Kjo sigurisht që shtron pyetjen se cila është sasia dhe shpeshtësia e duhur e aplikimit të kremit hidratues. Sipas dermatologes, nuk ka një sasi të vetme që i përshtatet të gjithëve – sasia e duhur varet nga nevojat individuale të lëkurës, nga lloji dhe struktura deri te klima.

Dr. Shah Falguni sugjeron t’i kushtoni vëmendje mënyrës sesi lëkura ndihet gjatë ditës: Nëse ndihet e thatë, mund të jetë një shenjë që ju duhet të hidratoni më shpesh. Procesi natyror i riparimit dhe rigjenerimit të lëkurës suaj është më aktiv gjatë natës, kështu që një formulë pak më e trashë mund të jetë më e dobishme atëherë.